كلام بقلبي..

مادري وش جايني بس سهرانه و مافيني نوم و كان بقلبي حكي و طلعته هنا.. 



_______________________________________





..

في ناس غابوا عنا.. 
بس في كلام قالوه ماغاب عن ذاكرتنا..
عاهدونا و عاهدوا نفسهم على اشياء مستحيلة! زي مثلاً..
"اوعدك مااخليك ابد" "ماقدر اعيش بدونك" "بظل احبك/معك للابد" "عمري مارح اخليك او اتخلى عنك" ليه؟ ليه تقولون للأبد؟

كلمة "للأبد" مستحيلة! 
مافي شي يظل "للأبد" 
الام، الاب، الاخت، الاخ، الصديقة، الشكل، الصوت، الملامح، الشخصية، التفكير، نظرتك للناس، تصرفاتك، مصطلحاتك، بيتك، سيارتك، غرفتك، جوالك.... مالهم دخل ببعض بس الزبدة انه كل شي!! 

و معظم الوعود هذي متى تنقال؟ 
لما يكون الشخص اللي قالها في قمة سعادته!
بدون تفكير! 

لو انه فكر للحظة.. "اوعدك ما اخليك ابد"
شلون يعني؟ يمكن اموت واخليها؟ يمكن تصير لي ظروف تخليني غصب اسافر و اخليها؟ يمكن هي تتغير.. و ما اصير احبها و اخليها؟ يمكن اشوف وحدة غيرها و تعجبني و اخليها؟ شلون ما اخليها علمني شلون؟؟ 

اذا فكر بهالاشياء صدقوني موب قايلها..

و الثانية؟ "ماقدر اعيش بدونك" 
هاذي عاد....انا بسأل اللي قاعد يقرا الحين.. بصراحة بصراحة في مخلوق بالدنيا ماتقدر تعيش بدونه؟ لاتكذب على عمرك. مافي!

ابسط شي امك.. دايم نقول عسى يومي قبل يوم امي لاني ماقدر اعيش بدونها و من هالحكي..   بس تعالوا بالصدق.. 
في ناس كثير كانوا يحبون امهاتهم و ماتوا. 
هل ماتوا الناس هذول؟ هل صح انهم ماقدرو يعيشون بدونهم؟ لأ. 

فا ليش حنا نقول اشياء مانقدر عليها! 
الحين لو انت قلت لوحدة انا ماقدر اعيش بدونك او عمري مارح اخليك و بحبك للأبد.
لو صار اللي صار و افترقتوا. 
و هي صارت تتذكر هاذي الوعود.. 

قالي ماقدر اعيش بدونك.. و هذا هو عايش! 
قالي عمري مارح اخليك.. وخلاني!
قالي بظل احبك للأبد.. والحين يحب غيري!
ليه؟

وقتها مين يرد عليها؟ 
كذاب؟ لا هذا مو كذب. 
هذا وعد بس بلحظة فرح. او يمكن صدق كذاب مادري.. بس انا ابي اللي قالها صادق.
يا اخوي، حبها بس لاتوعدها! لاتقول حكي بدون افعال!

لو سمحتوا.. حبوا بعض بس لاتوعدون احبائكم بأشياء انتم مو قدها.. 
خلوا الظروف هي اللي تقول وش بيصير..

علشان لانتذكر وعودكم لما تروحون ونسأل روحنا وما نلقى جواب...

-ديمه
@Dweem
23-4-2013